Des Fürbittbuch

Ja, wann du mitn Herrgott lebst,
zu eam amal das Herz erhebst,
dann tuast des meist für dich alloan
mit deine Sorgn groß und kloan.

Gehst du zur Muttergottes hin
Mit gläubig und vertraundem Sinn.
Bei uns, da gibt’s a nu an Ort,
da gehst danach wohl leichter fort.

Wer dahin sein Vertrauen hat,
kehrt allweil wieder, auf und Gott.
Denn heilig is der Ort seit alter Zeit,
viel hundert Jahr und nu bis heit.

Kehrst ein und sitzt a wengal nieder,
wirst ruhig jetzt, kriagst Luft grad wieder.
Dann stösst das fiera, was die druckt,
was weh tuat und dirs Kreuz oft buckt.

Mei, i alloan, i kann nix machen,
mit die schwaren, harten Sachn.
Dann sagst eam hin, des ganze Gsturi.
„Hast du an Weg für mit, da duri?“

Engeln schaun di an und deutn
Hin auf eam von beide Seitn.
Dann schaust’n an, den Nikolaus.
„Bist du der, welcher führt mi naus?“

Vertraun habm is der beste Weg,
führt drüber übern Steg.
wann du net woaßt, wias weiter geht.
Im Nebel moanst, die Zukunft steht.

Dann will i’s wagn und Zuatraun haben
Und di um deine Fürbitt fragen.
Ja, des und das wa a nu recht.
Wann i di für des bittn mecht.

Wia i da so um mi grad schau,
a Biachl gibt’s, de Augn net trau.
Geh, schreib was eini, jetz und glei,
kann jeder lesn, bin so frei.

Und blattl in dem Biachl um,
les und denk und wird ganz stumm.
Was für Sorgn die Leut herbringan,
a Liabs, a Loads in allen Dingen.

Da passt des meine grad dazua,
und bitt für andre a nu gnua.
Aft is ma leichter, schau di an,
was al solches Buach olls kann.

An Vater unser nu schnell drauf,
des Weiter nimmt von obm sein Lauf.
Was da merka muaßt von da,
macht dir das Herz, i hoffs, recht froh.

Und des, mein Liaber, sei gewiss,
wanns in der Kapelln zan betn is,
san deine Sorgn, was du gschriebm,
net in jenem Biachl bliebm.

Des steigt olls mit in Himmel auf,
i woß des gwiß, vertrau darauf.
Er tragt des hin zan höchstn Thron.
Sag Dank schön eam, zu seinem Lohn.


Gedicht zum Fürbittbuch in der Nikolauskapelle von Ernest Ulbrich, 6. Dezember 2015

Nikolausfeier mit 150 Besuchern Nikolausfeier unter neuer Leitung Lasst uns froh und munter sein! Nikolauskapelle in Erwartung Kirchenmodell am Kirchplatz der St. Nikolai-Kirche Kapelle bald umringt von über 50 Besuchern Weihrauch breitet sichaus Gedicht zum Laternengang Gedicht zum Fürbittbuch der Kapelle

Zurück zur Galerie



Valid HTML 4.01 Transitional  Valid CSS!

Sanct Nicolay in Sulzbach
 Home   News   Termine   Extras   Galerie   Gästebuch   Glossar   Links   Impressum 

nikolauskapelle.at
Wappen

Wappen
Nikolaus von Myra
Nikolauskirchen in Oberösterreich
Nikolauskirchen weltweit
Geschichte der Sanct Nicolay Kirche 1180-1796
Aspekte eines Kultplatzes
Die Herren von Grünburg
Von der Stifterfamilie der Grünburger zu den Urbaren der Herrschaft Leonstein
Weihe- und Ablassurkunden
Vischerkarte 1667
Renovierung 1681
Kirchensitzmiete
Jahrbuch 1759-1761
Josephinisches Lagebuch 1785
Sankt Nikolaus Kapelle 1987
25 Jahr Jubiläum